künstler online  
Ein Treffpunkt
für Kunst und Kreativität…
lesesaal


Riposaa e daa fasc’tidi




L’è sira e a som sc’trac’ch, ma a go mia vöia da naa a cà...
a cerchi nel mond un picol posc’t indoa podee riposaa…
Nel’aria a ghé paas e tranquilità
e caminando con pass sicüür a rivi süla riva del laagh,
ma seti giò sü una panchina isolada,
a guardi la lüna che nel’acqua la sa riflet e la dröm…
Dadré da mi,con i ram mövüüd dal vent,
una pobbia la brontòla e i ültim föi sü l’acqua la pogia,
l’aria fregia l’hai porta lontan,
l’hai fa scivolaa, ai vedi sc’parii…
I sc’tel che i ga fa da corona illüminada ala lüna
i proteeg el mé riposaa
ai guardi, ai ammiri ié un “dono di Dio”...
A tenti da cüntai,ié trop, ié bei ié i veri sc’tel...
A riposi pensando ala vita
e pian pian el sc’cüür u ma quercia…
Düü morosit i ma riva visin
e tacaad insema come do zech i ma veed
i parla mia,i va lontan... forse i voreva ves da paar loor…
Süla sabbia i riva düü pivion,
i sc’bat i al, i sa fa capii, anca loor i vöör mia curioos…
A ma rendi cünt da daa fasc’tidi,
a levi sü e a camini nel me desc’tin…
La lüna la ma fa da lampion
a rivedi i düü moroos che i sa sc’trofina,
cito cito a vo via,a vo lontan,
a vöri pü disc’türbaa,
al so che con l’aiüt del Signoor
a troverò un altro siid per riposaa...


Quel riposar d’intruso
(Diploma d’Onore al “Premio Letterario Internazionale
Europa 2002” indetto dal Centro Studi Universum Bellinzona)
(Finalista nella “Sezione poesia inedita” al “Premio Creativa 2006
di Ercolano-Napoli”)

È sera e son stanco ma non ho voglia di rientrare
mi cerco nel mondo un piccolo posto dove poter riposare…
Nell’aria c’è pace e tranquillità



 
seite 1 von 2

Oswaldo Codiga